Hanya Orang Kelantan Dapat Baca Cerita Ini

---

“Mung duk diye wea, ni uruse aku, aku tok tido male smale duk mikir ko bendo ni, ari ni aku nok tanya ustaz slaluh biar dio jawab, biar sero tene hati aku ni “
Tulah lebih kure gapo hok mokcik tu royak


Belum tu crito nyo ggini, smale ambo ore jeput suruh buwi kuliah ngorik di ssejik iktikah sekitar pasir mas, slesa ambo smaye sunat lepah gorik smale sbelum nok bikah bangun akak punggong gi duk tepak ngaja nyo mari mokcik sore kuk alik tabir jemaah jate .
Nya masuk lolo lolo sambil duk kilah kain smaye napok abih betih betih (stail ore nok bbaloh sambil akak kilah). Nya tembo masuk alik jate cari ustaz. Dio pun mula nnanyo dengar akak soro so ssejik dengar pah stail pongoh nok maroh.
“ustaz mano ustaz?”
“siap doh ko dio smaye? “
"sudoh doh ko dio smaye? "
Ambo maso tu baru sudoh, duk mikir guano pulok cari ambo, padaha baru skali ni mari ngaja sini, tok de apo apo ore cari doh, wak saloh gapo lah pulok ni, ambonyo duk kecek nga diri sdiri. ambo pun wak rilek jah la hadap jahla gapo hok nok jjadi, mugo ustaz kea, dio keno stedi (hahaha).
Pah mula la ado jemaah jate sore supo duduk ttene dio royak lebih kure, bekali mitok suruh sabar banyak sebabnya ambo kure jelah gapo namo dio duo tu duk bekecek, cumo maso tu lah ttubik woh kilah supo alik palo crito atah tu, mokcik tu royak:
“ mung duk diye wea, ni uruse aku, aku tok tido male smale duk mikir ko bendo ni, ari ni aku nok tanya ustaz slaluh biar dio jawab, biar sero tene hati aku ni “ mengok palo gu lawe keno woh ni sedah atah palo, senyap dik tok kecek sikik abok doh lepah tu.
lepastu Ambo ita jengok alik blake tengok ko mokcik tu, ambo tengok dio, dio tengok ambo. Lepahtu dio mari dekat ambo dio royak pulok dengar soro tok puah hati tp lembut la sikik mugo nga ustaz kea ni (meme niat dio doh nok suruh so sejik dengar bekali tu soro kuat):
"ustaz ambo tok tido male smale duk mikir ko bendo nih, ari ni ambo nok ustaz royak jugok slaluh loni, biar ore pakak dengar blako pah biar hati ambo raso suko" sambung dio lagi.
"dio gini ustaz, gapo dio sbena hukum ore ni duk kecek pasa ore lain, duk ngato, duk pruduh ngupak ko ore lain, ambo meme tok puah hati sungguh ni ustaz, nok tahu sungguh gapo sbena hukum dio "
ambonyo maso tu, mari tlitah slalu doh dale palo, jolo doh ni, ni meme buke bendo lain doh ni, bendo jelah tahu doh jawape tapi nok tanya jugok biar ustaz hok royak biar ore pakak dengar ore pakak pehe. dio tok puah hati ore duk ngato duk nguduh ko dio bekali. ambo pun royak lah spatoh
"hare la hukum dio" sambil senyumambo sambung lagi ambo royak
"gini gini, gi duduk dulu. nanti ambo sebut dale kuliah ngorik kito ni, pakak pakak dengar nanti, insya ALLAH " sambil senyum dio pun jjapok dio royak
"ho molek bena la ustaz, ustaz royak dale kuliah tu, biar ore pakak dengar gapo hukum dio, mugo hok smaye bea, hok mari ssejik ni lah hok duk ngupak ngato nyo, buke ore lain, hok mari sejik sokmo doh"
dio pun brasur gi, pah mari tok siok sejik royak
"ustaz ngaja po skalo la, wak rilek rilek jah, wak biaso "
ambo sahuk hok dio kato ambo oyk "tok apo tok apo, beres jah, nanti ambo selit selit dale kuliah kito "
ambo akak punggung, gi duduk tepak ngaja, ambo ngaja mace biaso last skali ambo pun sebut. lebih kure
"trimo kasih kepada makcik hok tanya, soale molek, soale bagus tu, hok mano kito srumo keno pehe keno jelah hukum dio, perbuate ni doso besar. nabi sebut dale hadis, ado ore diazab di kubur sebab bendo hok dio anggap remah jah sedangke bendo tu besar di sisi ALLAH, iaitu maso hidup mulut ni x panda nok jago, duk ngupak duk ngato duk fitnah. jadi kito keno pakak pakak jago lah " sambung ambo lagi
"meme gitu la kito ni, diuji dale hidup, maka kito keno banyak beristigfar dan taubat atah salah salah kito, ALLAH maha pengampun, pah pulok bab smaye duk buat maksiat ni pun mako kito keno tengok smula smaye kito tu lagu mano, bakpo tok lih nok cegah diri kito dari bermaksiat? bakpo doso doso jelah besar ni kito tok lih elok . padaha Qure sebut smaye ni bulih mencegah maksiat  tp ni dok, masjid mari doh, smaye jemaah doh tapi duk buat lagi, maka ambo nasihat diri ambo dan jemaah semua untuk samo sama kito tilik prati baliklah smaye kito tu, buat molek ko tok molek. pah samo samo kito istigfar lah atah doso doso kito tu, wallahutaala alam"
ahh tu lah hok ambo sebut lebih kure, panje lagi sbena, kalu nok panje panje gak keno ajok minum air lah baru sedak, stabak ko, kopi mesin ko, kopi bin ko, jare jare blanjo "ustazzzzz" hahaha .
sekian,
Ali Imran
kisoh nyato lagi benar
pengajaran yang boleh diambil
Jagalah solat kita
jagalah hubungan silatulrahim kita dalam masyarakat dengan menjaga mulut kita semua

---